Контактирајте нè
+389 71 482 372 / +389 71 276 128
ECOPOWER SOLUTIONS > ЗА НАС
Добредојдовте во Ecopower Solutions, каде страста, амбицијата и иновацијата се спојуваат за да обликуваат одржлива енергетска иднина. Основани како динамична и напредна компанија, носиме свеж пристап во индустријата, потпирајќи се на искуството, знаењето и експертизата на доверлив партнер со повеќе од 25 години непроценливо искуство во полето на енергетиката.
ПРИДРУЖЕТЕ НИ СЕ, ДА ЧЕКОРИМЕ ЗАЕДНО НА ПАТОТ КОН ПОСВЕТЛА, ПОЗЕЛЕНА ИДНИНА ЗА ГЕНЕРАЦИИТЕ ШТО ДОАЃААТ.

Страст и амбиција

Страста е моторот зад сè што го правиме. Поттикнати сме од желбата да оставиме свој придонес во светот и да го забрзаме преодот кон подобра одржлива иднина. Нашата амбиција не познава граници, бидејќи непрекинато бараме иновативни начини да ги поместиме границите на тоа што е возможно во областа на одржливата енергија.

Тим од искусни експерти

Зад нашата страст и амбиција стои посветен тим од инженери и соработници кои носат богато искуство во секој проект. Со комбинирано искуство од над 50 години во индустријата, нашиот експертски тим се има стекнато со непроценливи вештини, се има соочувано со најразлични предизвици и има испорачано решенија коишто оставиле печат во општеството. Тие се столб на нашиот успех, а нивната посветеност кон постигнување на безпрекорни резултати е ненадминлива.

Нашата заложба

Во Ecopower Solutions, сме целосно посветени да испорачаме повеќе од само одржливи енергетски решенија. Создаваме иновативни решенија кои ја револуционализираат индустријата и ги надминуваат очекувањата на сите учесници во еко-системот. Ние не сме само уште една компанија; ние сме движење, сила за позитивни промени во светот на одржливата енергија.
Заедно ги поместуваме границите на возможното.
Визија

Да станеме лидери во глобалната транзиција кон одржлива енергетска иднина, каде нашите иновативни решенија ќе го унапредуваат животниот стандард, ќе ја заштитуваат животната околина и ќе го поттикнуваат економскиот развој.
Мисија

Нашата мисија е да развиваме и имплементираме иновативни одржливи енергетски решенија кои ги поместуваат границите на возможното. Посветени сме да обезбедиме решенија кои не само што ги намалуваат емисиите на CO2 , туку и обезбедуваат максимални придобивки за нашите клиенти, партнери, вработени и за планетата. Преку неуморната преданост кон одржливоста и технолошкиот напредок, се стремиме да создадеме почист, поодржлив свет за идните генерации.

ИНОВАТИВНОСТ:

Непрекинато бараме и развиваме иновативни решенија кои ги поместуваат границите во индустријата.

ОДРЖЛИВОСТ:

Неуморни сме во нашата преданост кон унапредувањето на животната средина. Секој наш проект има позитивен придонес кон здравјето на планетата.

ИНТЕГРИТЕТ:

Применуваме највисоки етички стандарди во секој аспект на нашето работење, обезбедувајќи транспарентност, чесност и одговорност во сите наши активности.

СОРАБОТКА:

Веруваме во моќта на соработката. Соработуваме блиску со клиентите, партнерите и заедниците за да создаваме одржливи енергетски решенија кои ги задоволуваат разновидните потреби.

БЕСПРЕКОРНОСТ:

Посветени сме кон постигнување на највисоки стандарди во сè што правиме. Се водиме од постојан стремеж да ги надминуваме очекувањата.

СОЦИЈАЛНА ОДГОВОРНОСТ:

Активно бараме начини за да придонесеме позитивно на благосостојбата на заедниците во кои работиме.

КОНТИНУИРАНО УЧЕЊЕ:

Ја поттикнуваме културата на учење и развој, го охрабруваме нашиот тим и нашите клиенти да останат во тек со најновите трендови и технологии.

ПРИЛАГОДЛИВОСТ:

Постојано се адаптираме на промените во високо динамичната индустрија во којашто работиме. Во промените гледаме како можности за раст и иновации.

ПОСВЕТЕНОСТ КОН КЛИЕНТИТЕ:

Потребите и задоволството на нашите клиенти секогаш ги ставаме во прв план, обезбедувајќи решенија кои целосно ги задоволуваат нивните специфични барања.