Размислувате за преод кон соларна енергија? Осигурајте се дека Вашиот дом е подготвен со оваа „чек-листа“:
Проценка на кровот:
- Проверете ја ориентацијата: идеално, кровот треба да биде насочен кон југ или југо-исток за максимална изложеност на сончевите зраци.
- Проверете го аголот: кос кров со агол помеѓу 15-40 степени е оптимален.
- Испитајте го засенувањето: дали околу кровот има дрвја или други структури кои можат да предизвикаат засенување?.
- Утврдете ја површината на кровот: колкава е површината на која може да се поставуваат панели?
Квалитативна проверка на кровот:
- Осигурајте се дека кровот е во добра состојба: санирајте ги сите оштетувања пред инсталација на соларни панели.
- Статичка проценка: потврдете дека кровот може да ја поднесе тежината на соларните панели.
Проверка на електричната мрежа:
- Проверете го капацитетот на електричната мрежа: осигурајте се дека може да ги задоволи потребите на соларниот систем.
- Проверете го мрежниот приклучок: дали е Вашиот приклучок едно-фазен или три-фазен?
Анализирајте ја потрошувачката на струја:
- Прегледајте ги Вашите сметки за електрична енергија: утврдете ја потрошувачката на струја во KWh по месеци.
- Пресметајте ја вашата просечна месечна потрошувачка: тоа е важен ориентир за бројот на панели кои ви се потребни.
Земете ги во предвид идните промени:
- Планирајте за можни промени: предвидете евентуални реновирања или додатоци на Вашиот дом.
- Проценете го влијанието на овие промени на идната потрошувачка: осигурајте се дека поставените панели ќе ги задоволат идните потреби..
Финансиска подготвеност:
- Информирајте се за можностите за финансирање: дознајте ги достапните програми за финансирање и субвенционирање.
- Проценете ги потенцијалните заштеди: утврдете ја исплатливоста од поставување на панели на Вашиот дом.
Административна усогласеност:
- Сопственички документи: за да се приклучите на енергетската мрежа, неопходно е да поседувате имоптен лист или договор за закуп на објектот.
- Основен проект: за приклучок на енергетската мрежа, потребно е да доставите основен проект за соларната централа.
Консултирајте се со Соларни Експерти:
- Закажете професионална проценка: побарајте совет од експерти во областа на соларната енергија.
- Побаракте понуди: добијте проценка на трошоците на инсталација и потенцијалните заштеди.
Запомнете, консултирањето со соларен професионалец е од суштинско значење за персонализирани совети базирани на уникатните карактеристики на Вашиот дом. Започнете го Вашиот пат кон соларната енергија добро подготвени, за одржлива и енергетски ефикасна иднина!